Portuqaliyanın ISAG Biznes Məktəbinin professorları UNEC-də akademik səfərdə olublar.
UNEC Biznes Məktəbinin direktoru dosent Nazim Hacıyev və kafedra müdiri dosent Sevər Məmmədova ilə görüşən portuqaliyalı alimlər prof. Manuel Sousa və prof. Bruno Santo hər iki universitet arasında birgə elmi-tədqiqat layihələrinin hazırlanması, magistr layihələrinə elmi rəhbərlik və mümkün əməkdaşlığın digər istiqamətlərində fikir mübadiləsi aparıblar.
Görüş zamanı Manuel Sousa təmsil etdiyi ali təhsil məktəb haqqında və turizm menecmenti barədə təqdimatla da çıxış edib.
