Maliyyə və mühasibat fakültəsinin əməkdaşları Şəki şəhərində şagirdlərlə görüşüblər

Azərbaycan Dövlət İqtisad Universitetinin (UNEC) 95 illik yubileyi ilə bağlı təsdiq edilmiş tədbirlər planına uyğun olaraq Maliyyə və mühasibat fakültəsinin dekanı dosent Hafis Hacıyev və “Maliyyə və audit” kafedrasının professoru Hənifə Cəfərli “Azərbaycan məktəblərində 95 görüş” aksiyası çərçivəsində Şəki şəhəri 3, 5, 7, 8, 10, 11, 12, 14, 17, 18 və 20 nömrəli tam orta məktəblərin və Fizika-Riyaziyyat və Humanitar təmayüllü liseyin yuxarı sinif şagirdləri ilə görüşüblər.

Görüşdə şagirdlərə Universitetin tarixi, missiyası, əsas dəyərləri, beynəlxalq reytinqlərdə mövqeyi, tərəfdaşlıq etdiyi ali təhsil müəssisələri, akademik heyəti və infrastrukturu, tədris olunan ixtisaslar, UNEC-də tətbiq edilən təhsilin idarəetmə sistemi, akademik təqvim, tədris prosesinin və imtahanların təşkili, həyata keçirilən təqaüd, mübadilə və beynəlxalq ikili diplom, UDİD və MİNOR proqramları, “Bir pəncərə” xidməti, Kitabxana-İnformasiya Mərkəzi, fəaliyyət göstərən tələbə təşkilatları və s. barədə ətraflı məlumat verilib. Şagirdlər “UNEC-də bir gün” layihəsində iştirak etməyə dəvət olunublar.

Sonda şagirdləri maraqlandıran suallar cavablandırılıb.