Azərbaycanın beynəlxalq nüfuzunun artırılması və həqiqətlərinin dünyaya çatdırılması istiqamətində mühüm addımlar atılmaqdadır.
Bu məqsədlə müxtəlif informasiya resurslarının, o cümlədən “Vikipediya” Elektron Ensiklopediyasının imkanlarından geniş istifadə olunur.
Azərbaycan haqqında məlumatların müxtəlif dillərdə Vikipediya platformasında ardıcıl şəkildə yenilənməsi və zənginləşdirilməsi məqsədilə AMEA-nın Mərkəzi Elmi Kitabxanası tərəfindən ali təhsil müəssisələrinin seçilmiş əməkdaşları üçün təlimlər təşkil olunub. Bu təlimlərdə Azərbaycan Dövlət İqtisad Universitetinin (UNEC) əməkdaşı, UNEC Kitabxana-İnformasiya Mərkəzinin 4 saylı kitabxanasının şöbə müdiri Səidə Rzayeva da iştirak edib.
Səidə Rzayeva təlimi uğurla başa vuraraq “Vikipediya”nın Azərbaycan dili bölməsinin zənginləşdirilməsinə verdiyi töhfələrə görə AMEA-nın Mərkəzi Elmi Kitabxanası tərəfindən Sertifikatla təltif olunub.
Bu nailiyyət münasibətilə Səidə xanımı təbrik edir, ona gələcək fəaliyyətində də uğurlar arzulayırıq!
![UNEC-də "Keyfiyyətin idarə edilməsi və akkreditasiya prosesləri” mövzusunda təlim keçirilib](/images/telim_020725.jpg "UNEC-də "Keyfiyyətin idarə edilməsi və akkreditasiya prosesləri” mövzusunda təlim keçirilib")
