UNEC-in SABAH Qruplarında “İslam Həmrəyliyi İli”nə həsr olunan mühazirə keçirilib.
UNEC-in “Humanitar fənlər” kafedrasının professoru Abbas Seyidov və dosent Hümeyrə Mustafayeva tələbələrə “İslam dini və Azərbaycan” mövzusunda mühazirə deyib. UNEC alimləri islam dininin yaranma tarixi, mənəvi dəyərləri, Azərbaycan mədəniyyətinə təsiri haqqında məlumat veriblər. Müxtəlif millətlərin və dinlərin nümayəndələrinin ölkəmizdə sülh, qarşılıqlı hörmət və həmrəylik şəraitində yaşadıqlarından bəhs ediblər. Dinin siyasi, iqtisadi və mədəni əlaqələrin qurulmasında əhəmiyyətli rol oynadığına diqqət çəkən alimlər 2017-ci ilin Azərbaycanda “İslam Həmrəyliyi İli” elan edilməsini yüksək qiymətləndiriblər. IV İslam Həmrəyliyi Oyunlarının ölkəmizdə təşkilinin İslam dəyərlərin yayılmasına, qardaşlıq və birliyin əks olunmasına öz töhfələrini verəcəyini bildiriblər.
