UNEC-in İqtisadiyyat fakültəsində su ehtiyatlarından səmərəli istifadənin təmin edilməsinə həsr olunan onlayn seminar keçirilib.
Tədbir Azərbaycan Respublikası Prezidentinin Sərəncamı ilə təsdiq edilən “Su ehtiyatlarından səmərəli istifadənin təmin edilməsinə dair 2020-2022-ci illər üçün Tədbirlər Planı”na uyğun olaraq keçirilib.
Seminarda çıxış edən Ətraf mühitin mühafizəsi və iqtisadiyyatı kafedrasının baş müəllimi Afaq Hacıyeva qloballaşma nəticəsinədə baş verən iqlim dəyişikliklərinin su ehtiyatlarına çox ciddi təsir etdiyini bildirib. O, Azərbaycanda su ehtiyatları ilə bağlı problemlərin həlli istiqamətində dövlət tərəfindən həyata keçirilən məqsədyönlü tədbirlərdən söz açıb.
