Birinci Qarabağ müharibəsi şəhidi, Milli Qəhrəman Fazil Mehdiyevin şərəfinə salınmış kiçik parkda “Unutsaq unudularıq“ adlı anım tədbiri keçirilib.
Tədbirdə şəhidin ailə üzvləri ilə yanaşı, Azərbaycan Dövlət İqtisad Universitetinin (UNEC) Tələbə Həmkarlar İttifaqı Komitəsinin (THİK) sədr müavini Günay Ağazadə, tələbələr və şəhidin döyüş yoldaşları iştirak edib.
Tədbirdə çıxış edən şəhidin anası Şövkət xanımın qürur hissi ilə oğlundan, onunla bağlı xatirələrindən söz açıb.
Çıxış edən THİK-in sədr müavini Günay Ağazadə şəhidlərdən danışaraq, onların göstərdiyi qəhrəmanlıqlar haqqında geniş məlumat verib.
