8 mart - Beynəlxalq Qadınlar Günü münasibətilə UNEC Yaradıcılıq Mərkəzi universitetin xanım əməkdaşları və tələbələri üçün bayram konserti təşkil edib.
Konsert proqramında Yaradıcılıq Mərkəzinin Vokal dərnəyinin solistləri Elxan İskəndərov, Tərlan Hüseynzadə, Rəvan Mehdizadə, Ülvi Əlizadə, İnstrumental dərnəyin ifaçısı Ramin Sadıqov, Qiraət dərnəyinin üzvi Rəvan Əliyev və rəqs ansamblının solistləri peşəkar ifaları ilə xanımlara xoş anlar yaşadıblar.
