İyulun 4-də UNEC-in məzunu, Vətən müharibəsi şəhidi Qarayev Məhəmmədin ailəsi UNEC-də olub.
Şəhidin ailəsi Biznes və Menecment fakültəsinin dekanı dos. Mirağa Əhmədov, Tələbə Həmkarlar İttifaqı Komitəsinin sədri İlkan Əliyevlə birlikdə UNEC-in şəhid məzun və tələbələrinin xatirəsinə ucaldılan Memorial-Xatirə Kompleksini ziyarət ediblər.
Məhəmməd Qarayev 2018-2022-ci illərdə Azərbaycan Dövlət İqtisad Universitetinin (UNEC) Biznes və Menecment fakültəsində təhsil alıb. Məzun olduğu il həqiqi hərbi xidmətə yollanıb. Mayın 12-də Kəlbəcər istiqamətində düşmən təxribatının qarşısını alarkən qəhrəmancasına şəhid olub.
Allah rəhmət eləsin!
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
