24-26 avqust 2022-ci il tarixlərində Bakı şəhərində “Sənaye Tətbiqləri ilə Nəzarət və Optimallaşdırma üzrə 8-ci Beynəlxalq Konfransı” keçiriləcək.
Konfransın keçirilməsində əsas məqsəd dünya üzrə nəzarət və optimallaşdırma sahəsində fəaliyyət göstərən alimləri, tədqiqatçıları, mühəndisləri və əməkdaşları bir araya toplayaraq, bu sahədə əldə olunan ən son nailiyyətlərin, bilik və bacarıqların artırılmasına aid fikir mübadiləsinin aparılmasıdır.
Nəzarət nəzəriyyəsi, optimallaşdırma, ağıllı sistemlər, qeyri-səlis nəzəriyyə, ədədi və hesablama metodları, şəbəkə və telekommunikasiya, riyazi modelləşdirmə və simulyasiya, sənaye və iqtisadiyyatda tətbiqlər, fiziki optimallaşdırma prosedurunun tətbiqi konfransın əsas mövzularındandır.
Konfransın əsas tarixləri
Qeydiyyat və xülasələrin təqdim olunması: 01.06.2022
Qəbul haqqında bildiriş: 30.06.2022
Tam mətnlərin qəbulu: 30.11.2022
Tədqiqatçılar konfransda iştirak etmək üçün qeydiyyatdan keçməli və elmi məruzələrini təşkilat komitəsinin tələblərinə uyğun tərtib etməlidir.
Konfransa təqdim olunacaq məqalələr üçün istinad mənbələri:
- UNEC Google Scholar
- UNEC Research Gate
- UNEC The journal of Economic Sciences: Theory and Practice
- UNEC Azərbaycan Dövlət İqtisad Universitetinin Elmi Xəbərləri
COIA konfrans kitabı təşkilat komitəsi tərəfindən Web of Science bazalarında indekslənməyə təqdim olunur. Azərbaycan Dövlət İqtisad Universitetinin (UNEC) tədqiqatçılarının bu konfrans kitabında elmi əsərləri dərc olunaraq Web of Science elmi platformasının bazasında indekslənmişdir.
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
