UNEC-in Rəqəmsal İqtisadiyyat, Mühəndislik fakültələrinin və Dizayn Məktəbinin müəllim və tələbə heyətinin iştirakı ilə İcbari Tibbi Sığorta üzrə Dövlət Agentliyi tərəfindən icbari tibbi sığortanın təbliği və bu sahədə əhalinin maarifləndirilməsi məqsədilə “İcbari tibbi sığorta” mövzusunda maarifləndirici tədbir keçirilib.
Təlimdə Agentliyin şöbə müdiri Leyla Lətifova, məsləhətçisi Nərgiz Əlimərdanova və qurumun nümayəndələri icbari tibbi sığorta haqqında ümumi məlumat verərək, sığorta haqları, tibbi xidmətlər, onlardan istifadə qaydaları haqqında təqdimatla çıxış ediblər.
