UNEC-in Beynəlxalq Magistratura və Doktorantura Mərkəzinin Elmi Müzakirələr Klubunda maraqlı və aktual mövzuya həsr olunmuş növbəti təqdimat keçirilib.
UNEC-in 95 illik yubileyi çərçivəsində keçirilən bu dəfəki müzakirə “Bitkoin və digər kriptovalyutalar: mövcud vəziyyəti, gələcək potensialı və qlobal iqtisadiyyata təsiri” mövzusunda olub.
Təqdimatla çıxış edən “İqtisadi və texnoloji elmlər” kafedrasının dosenti, iqtisad üzrə fəlsəfə doktoru Kəmalə Cabbarova kriptovalyutaların hazırkı vəziyyəti, onların gələcək inkişaf imkanları və dünya iqtisadiyyatına mümkün təsirləri barədə geniş məlumat təqdim edib.
