UNEC-in “Maliyyə və Mühasibat” fakültəsininin professor-müəllim heyəti və ekspertlər bir araya gələrək, postneft dövründə davamlı inkişafın təmin edilməsi ilə bağlı müzakirələr keçiriblər.
“Postneft dövründə davamlı inkişafın təmin edilməsinin monetar amilləri” mövzusunda çıxış edən “Maliyyə və Maliyyə institutları” kafedrasının professoru Mübariz Bağırov ölkədə aparılan iqtisadi siyasətin düzgün seçildiyini və prioritetlərin uğurla həyata keçirildiyini bildirib.
Daha sonra davamlı inkişafa nail olmaq üçün konkret təkliflər verilib. Bildirilib ki, sahibkarlığın inkişafı üçün zəruri sahələrdə neytral vergilərin tətbiqi, xarici maliyyə mənbələrinin genişləndirməsi, ixracyönümlü istehsal sektorunda vergi güzəştlərinin tətbiqi vacibdir. İqtisadçılar inkişafa monetar amillərin təsirini gücləndirmək üçün pul dövriyyəsinin yaxşılaşdırılması, işgüzar fəallığın təmin edilməsi üçün kredit faizlərinin aşağı salınmasını zəruri hesab ediblər.
Sonda aktual problemlərinin müzakirəsini təşkil etmək üçün mütəmadi görüşlərin keçirilməsini, elmi seminarın materiallarının fakültənin bütün əməkdaşlarına və tələbələrinə çatdırılması haqda qərar qəbul edilib.
!["Bu tarixi zəfər müasir Azərbaycan tarixinin ən parlaq səhifələrindən biridir"](/images/Avaz_Alekberov_modernaz_041124.gif ""Bu tarixi zəfər müasir Azərbaycan tarixinin ən parlaq səhifələrindən biridir"")
