Azərbaycan Dövlət İqtisad Universitetinin (UNEC) I kurs tələbələrinə UNEC-də fəaliyyət göstərən Yaradıcılıq Mərkəzi barədə məlumat verilib. Mərkəzin direktoru Elman Cəfərov bildirib ki, mərkəzdə rəqs, rəsm, teatr, vokal, instrumental ifaçılıq və tarix dərnəkləri fəaliyyət göstərir. Üzv olmaq istəyənlər mərkəzə müraciət edə bilərlər.
Görüş zamanı “Radio UNEC”də reallaşdırılan tələbə layihələri də diqqətə çatdırılıb. Qeyd edilib ki, hazırda radioda 19 tələbə layihəsi efirə gedir. Tələbələr reallaşdırmaq istədikləri radio layihələri Yaradıcılıq Mərkəzinə təqdim edə bilərlər.Görüşdə UNEC-in Yaradıcılıq Mərkəzinin vokal dərnəyinin üzvü Aslan Əzimzadə tələbələr üçün canlı ifa edib.
