Sarsen Amanjolov adına Şərqi Qazaxıstan Universitetinin rektoru Tolegen Muxtarın rəhbərlik etdiyi nümayəndə heyəti UNEC-də olub.
UNEC rektoru professor Ədalət Muradovla görüşdə universitetlər haqqında məlumat mübadiləsi aparılıb. UNEC-in təhsil imkanlarını, beynəlxalq reytinqlərdəki mövqeyini yüksək qiymətləndirən qazaxıstanlı rektor bu ali təhsil müəssisəsi ilə əməkdaşlıq etməkdə maraqlı olduğunu bildirib. O, Şərqi Qazaxıstan Universitetinin müəllimlərinin Orhun proqramı çərçivəsində UNEC-də mübadilədə iştirak etdiklərini bildirərək, gələcəkdə bu əlaqələrin daha genişləndirilməsinin hər iki universitet üçün faydalı olacağını diqqətə çatdırıb. Rektor Ədalət Muradov isə türkdilli dövlətlərin ai təhsil müəssisələri ilə əlaqələrin qurulmasının UNEC-in prioritetlərindən olduğunu vurğulayaraq, mümkün əməkdaşlıqla bağlı fikirlərini bölüşüb.
Görüşdə gələcək əməkdaşlıq istiqamətində zəruri qərarlar qəbul edilib.
![Gəncliyin uğurlu modeli: Elm, texnologiya və idmanda balans - "İki sahil"](/images/Shukur_Eyvazov_090725.jpg "Gəncliyin uğurlu modeli: Elm, texnologiya və idmanda balans - "İki sahil"")
![UNEC-in "Satış akademiyası" layihəsi uğurla yekunlaşıb](/images/layihe_090725.jpg "UNEC-in "Satış akademiyası" layihəsi uğurla yekunlaşıb")
