UNEC ilə Qərbi İsveçrə Tətbiqi Elmlər və İncəsənət Universitetinin tərkib hissəsi olan Ali İdarəetmə Məktəbi (ARC) fransız dilli UNEC tələbələri üçün təqaüdlü mübadilə proqramına müsabiqə elan edir.
Ali İdarəetmə Məktəbi 1 semestrlik mübadilə proqramı təklif edir və mübadilə proqramı fransız dilində B1 danışıq səviyyəsinə malik olan UNEC tələbələri üçün nəzərdə tutulub. Mübadilə 2023-cü ilin payız semestri üçün nəzərdə tutulub.
Payız semestri üçün sənəd qəbulu martın sonundan sonra baş tutacaq.
Mübadilədə iştirak etmək üçün tələblər:
Ən azı B2 fransız dili səviyyəsində danışa bilən bakalavriat və magistratura səviyyəsində təhsil alan tələbələr (əsasən 3-cü kurs bakalavriat, 1-ci kurs magistratura səviyyəsində təhsil alan UNEC tələbələri)
Tələb olunan sənədlər:
- CV
- Motivasiya məktubu (Bakalavr tələbələri üçün fransız, magistr tələbələri üçün ingilis dilində)
- Transkript (70-dən yuxarı ÜOMG)
- Dil sertifikatı (əgər varsa, bakalavr tələbələri üçün fransız dili sertifikatı, magistr tələbələri üçün ingilis dili sertifikatı)
UNEC tələbələri üçün təklif olunan imkanlar aşağıdakılardır:
- 800 CHF (təxminən 1400 AZN) məbləğində təqaüd;
- Tibbi sığorta;
- 1 ay intensiv fransız dili kursları;
- Pulsuz nəqliyyat keçidi;
- İdman klublarında pulsuz qeydiyyatdan keçmə imkanı.
Sənəd qəbulu martın sonundan sonra həyata keçiriləcək.