Yanvarın 18-də Azərbaycan Dövlət İqtisad Universiteti (UNEC) ilə Cenevrə Beynəlxalq Universitet (CBU) arasında birgə əməkdaşlığa dair anlaşma memorandumu imzalanıb.
Sənədi UNEC rektoru, professor Ədalət Muradov və CBU rektoru, professor, Erik Villumsen imzalayıblar.
Tərəflər arasında bağlanmış memorandumun prioritet məqsədi ali təhsil müəssisələri arasında birgə tədqiqatların aparılması, təhsilin bütün səviyyələrində tələbələrin, o cümlədən, akademik və administrativ heyətlər arasında mübadilənin həyata keçirilməsidir. Anlaşma çərçivəsində müştərək elmi nəşrlərin yayımlanması da nəzərdə tutulub.
Dinamik diskusiya formasında davam edən görüşdə UNEC-in akademik və administrativ heyətin nümayəndələri Cenevrə Beynəlxalq Universitetinin rəsmilərinə suallar ünvanlayıblar. Tələbə-müəllim mübadiləsinin detalları, birgə elmi araşdırmaların heyəta keçirilməsi barədə suallara CBU rektoru Erik Villumsen və prorektor Klaude Çeliç tərəfindən ətraflı cavablandırılıb.
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
