Tələbələrin nəzərinə: Azərbaycan Respublikasının Mərkəzi Bankı müsabiqə elan edir

Azərbaycan Respublikasının Mərkəzi Bankı Ulu Öndər Heydər Əliyevin 100 illik yubileyi ilə əlaqədar Ali və orta ixtisas təhsili müəssisələrinin tələbələri arasında onların maliyyə savadlılığının artırılması məqsədilə “İqtisadiyyatı güclü olan dövlət hər şeyə qadirdir” başlığı altında 6 aprel-30 may 2023-cü il tarixlərində müsabiqə elan edir.

Müsabiqə Mərkəzi Bankın Virtual Təhsil Platformasının (https://edu.e-cbar.az) dörd kursu üzrə keçiriləcəkdir:

"İzafi borclanma: problemlər və tövsiyələr" (https://edu.e-cbar.az/course/preview.php?id=97);
"Vətəndaşlar üçün sığorta" (https://edu.e-cbar.az/course/preview.php?id=104);
"Kapital bazarlarının əsasları" (https://edu.e-cbar.az/course/preview.php?id=89);
"Maliyyə Savadlılığı: Strategiya, Tədris, Təhlil" (https://edu.e-cbar.az/course/view.php?id=105)

Kurslar üzrə qeydiyyatdan keçən iştirakçılar müvafiq kursu bitirdikdən sonra ən geci 05 may 2023-cü il saat 18:00-dək Mərkəzi Bankın Maliyyə savadlılığı şöbəsinin əməkdaşları ilə imtahan tarixini, saatını və formasını (onlayn və ya ənənəvi) razılaşdırmalıdırlar.

Qeydiyyat prosesi haqqında ətraflı məlumatı bu link vasitəsilə ala bilərsiniz: https://www.youtube.com/watch?v=0iNZkyQ0Q7M

İmtahanda onlayn iştirak etmək istəyən kurs iştirakçıları onlara göndərilən linkə qoşularaq Mərkəzi Bankın əməkdaşının nəzarəti altında sualları cavablandıracaqlar. Ənənəvi imtahan vermək istəyən kurs iştirakçıları isə təyin edilmiş gündə və saatda Mərkəzi Bankın Bülbül prospekti 27 ünvanında yerləşən binasına yaxınlaşaraq onlar üçün ayrılmış kompüterdən istifadə etməklə kursun suallarını cavablandıra bilərlər.

Qaliblər dörd kurs üzrə ümumi nəticənin orta balına görə seçiləcəklər. Hər kurs üzrə balın 70% və ondan yuxarı olması mütləqdir.

Kursun qaliblərinə və fərqlənənlərə kompüterlər, planşetlər, daşınan akkumlyatorlar, qulaqcıqlar və digər qiymətli hədiyyələr təqdim ediləcəkdir.

ƏTRAFLI