Azərbaycan Dövlət İqtisad Universitetinin (UNEC) Maliyyə və mühasibat fakültəsinin dekanı dosent Hafis Hacıyev və fakültənin fəal tələbələri Hədəf kurslarının Əhmədli filialında abituriyentlərlə görüş keçiriblər.
Görüş zamanı iştirakçılara UNEC-in infrastrukturu, Maliyyə və mühasibat fakültəsində tədris olunan ixtisaslar, universitetdə tətbiq edilən təhsilin idarəetmə sistemi, akademik təqvim, tədris və imtahan prosesinin təşkili barədə ətraflı məlumat verilib.
Eyni zamanda, UNEC-də həyata keçirilən təqaüd imkanları, tələbə mübadiləsi və beynəlxalq ikili diplom proqramları, UDİD və MİNOR proqramları, “Bir pəncərə” xidməti, Kitabxana-İnformasiya Mərkəzinin fəaliyyəti, tələbə təşkilatları və universitetin təqdim etdiyi digər imkanlar abituriyentlərin diqqətinə çatdırılıb.
Abituriyentlər universitet mühiti ilə yaxından tanış olmaq məqsədilə “UNEC-də bir gün” layihəsində iştirak etməyə dəvət olunublar.
Görüşün sonunda abituriyentləri maraqlandıran suallar cavablandırılıb.
![Azərbaycanda yaşayan əcnəbilər üçün UNEC-də "Açıq Qapı Günü"](/images/aq_ecnebi_290626.jpg "Azərbaycanda yaşayan əcnəbilər üçün UNEC-də "Açıq Qapı Günü"")
