UNEC Qadınlar Şurası karantin dövründə aztəminatlı ailələrə dəstək kampaniyasını davam etdirir.
Belə ki, UNEC Qadınlar Şurasının sədri Təranə Kərimova və şuranın üzvü Cəvahir Məmmədova yatağa məhkum olmuş, anadangəlmə əlilliyi olan gənci əlil arabası ilə təmin ediblər.
Xatırladaq ki, bundan öncə Azərbaycan Respublikasının Prezidenti İlham Əliyevin ölkəmizdə pandemiyaya qarşı mübarizə məqsədilə aparılan profilaktik tədbirlərin gücləndirilməsinə dair çağırışına dəstək olaraq UNEC-in Qadınlar Şurasının üzvləri sosial həmrəylik nümayiş etdiribllər. Qadınlar Şurasının üzvləri Səbail və Xəzər rayonlarında yaşayan aztəminatlı ailələrə, yaşı 65-i keçmiş tənha insanlara, ahıllara, Qarabağ əlillərinə, şəhid ailələrinə ərzaq yardımı ediblər.
