Erasmus+ mübadilə proqramı çərçivəsində İspaniyanın Malaga Universitetində mübadilə proqramına sənəd qəbulu elan olunur.
Erasmus+ mübadilə proqramı çərçivəsində bakalavr, magistratura və dokturantura pillələrində təhsil alan UNEC tələbələri iştirak edə bilərlər. UNEC tələbələri 2024/2025-ci tədris ilinin payız semestrində xaricdə təhsillərini davam edə bilərlər. Erasmus+ mübadilə proqramının şərtlərinə əsasən, xarici universitetə təhsil haqqı ödənilmir və aylıq təqaüd təqdim olunur. Namizədlərin seçimi ayrılmış yerlərin sayı (kvota) üzrə təqdim olunmuş sənədlər əsasında, müsabiqə yolu ilə aparılacaq.
Seçiləcək tələbə sayı: 2 nəfər
İxtisas: İqtisadiyyat (Economics)
Müddət: 2024/2025-ci tədris ilinin payız semestri
Müraciət üçün son tarix: 31 may, 2024-cü il.
Əsas şərtlər:
- Tələbələrin orta balı (ÜÖMG) – 91-dən yuxarı olmalı;
- İngilis dilini sərbəst bilməli (B2 və üzəri);
- Müvafiq dil sertifikatı və İspan dil biliyi üstünlükdür.
Tələb olunan sənədlər:
- Akademik transkript
- CV (ingilis dilində)
- Pasport (ilkin müraciət zamanı şəxsiyyət vəsiqəsi keçərlidir)
- Niyyət məktubu (ingilis dilində)
Sənədlər göstərilən ardıcıllıqla bir “pdf” sənədi şəklində Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron poçt ünvanına təqdim olunmalıdır (sənədləri ayrı-ayrı pdf sənədlərində göndərən tələbələrin müraciətlərinə baxılmayacaq).
Elektron məktubu göndərərkən başlıq hissəsində « Malaga Universiteti » yazılmalıdır.
Əlavə məlumat və proqram: https://www.uma.es/relaciones-internacionales/navegador_de_ficheros/Incoming/descargar/2324/2324-Asignaturas_en_ingles.pdf
