UNEC tələbələrinin nəzərinə: İspaniyanın Kordobo Universitetində mübadilə imkanı

İspaniyanın Kordoba Universitetinə Erasmus+ mübadilə proqramı çərçivəsində qəbul elan olunur.

Proqramda bakalavriatura pilləsində təhsil alan UNEC tələbələri iştirak edə bilərlər.

Seçiləcək tələbə sayı: 2 nəfər (ümumilikdə)

Müraciət üçün əsas şərtlər:

• Tələbənin ümumi orta balı (ÜOMG) 91-dən yuxarı olmalı;
• İngilis dili ən az B2 səviyyəsində olmalı;
• Bakalavr pilləsi üzrə 2 və ya 3 kurs tələbəsi olmalı.

Müraciət üçün son tarix: 13 noyabr 2024-cü il

Tələb olunan sənədlər:

• Transkript (bütün semestrlər üzrə)
• CV (ingilis dilində)
• Xarici pasport (ilkin müraciət zamanı şəxsiyyət vəsiqəsi də keçərlidir)
• Niyyət məktubu (ingilis dilində)
• Müvafiq dil sertifikatı (olduğu təqdirdə IELTS, TOEFL və ya müvafiq fakültələrdə ingilis dilində təhsil aldığını göstərən sənəd).

Sənədlər göstərilən ardıcıllıqla bir “pdf” sənədi şəklində erasmus@unec.edu.az elektron poçt ünvanına təqdim olunmalıdır (sənədləri ayrı-ayrı pdf sənədlərində göndərən tələbələrin müraciətlərinə baxılmayacaq).

Elektron məktubu göndərərkən başlıq hissəsində universitetin adı -  «University of Cordoba » yazılmalıdır.