8 Noyabr- Zəfər Günü münasibətilə Azərbaycan Dövlət İqtisad Universitetinin Maliyyə və mühasibat fakültəsinin dekanı dosent Hafis Hacıyev və tələbələr Qarabağın azadlığı uğrunda şəhidlik zirvəsinə ucalmış UNEC-in 2014-cü il məzunu Mürsəl Kazımlının məzarını ziyarət edib və şəhidin ailəsinə baş çəkib.
Mürsəl Kazımlı düşmənin atdığı minadan 23 oktyabr 2020-ci il tarixində Füzuli rayonunun Kürdlər kəndində qəhrəmancasına şəhidlik zirvəsinə ucalmışdır.
O, Azərbaycan Respublikasının Prezidenti cənab İlham Əliyevin 5 noyabr 2022-ci il tarixli Sərəncamı ilə ölümündən sonra 3-cü dərəcəli “Vətənə xidmətə görə” ordeni ilə təltif edilib.
