Tədbir İqtisadiyyat fakültəsi və “Azərbaycan dili” kafedrasının birgə təşkilatçılığı ilə baş tutub.
Fakültənin dekanı, dosent Asiman Quliyev Azərbaycanın estetik fikir və ədəbi tənqidinin görkəmli nümayəndəsi Məmməd Cəfər Cəfərovun elmi fəaliyyətindən söz açıb.
“Azərbaycan dili” kafedrasının müdiri, professor Tofiq Əbdülhəsənli isə Azərbaycan ədəbiyyatşünaslığında Məmməd Cəfər Cəfərovun yaradıcılığının səciyyəvi xüsusiyyətlərindən danışıb. Bildirib ki, pedaqoji sahədə uzun müddət uğurla çalışan və qiymətli dərsliklər müəllifi olan alim humanitar elmlərin, klassik ədəbiyyatın mükəmməl bilicisi olub.
AMEA-nın Ədəbiyyat İnstitutunun aparıcı elmi işçiləri, professor Rəhim Əliyev və dosent Qürbət Mirzəzadə görkəmli akademiklə bağlı xatirələrini bölüşüblər, onun zəngin ədəbiyyatşünaslıq irsindən, klassik Azərbaycan və rus ədəbiyyatının tədqiqi sahəsindəki xidmətlərindən danışıblar.
Sonda tələbələr “Azərbaycan dili” kafedrasının dosenti Təranə Xəlilovanın rəhbərliyi ilə hazırladıqları görkəmli akademikə həsr olunan təqdimatı nümayiş etdiriblər.
!["Sosial mediada şəxsi brendinqin formalaşdırılması" adlı təlim keçirilib](/images/esas_TEC.jpg ""Sosial mediada şəxsi brendinqin formalaşdırılması" adlı təlim keçirilib")
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
