Azərbaycan Dövlət İqtisad Universiteti (UNEC) Tələbə Həmkarlar İttifaqı Komitəsinin təşkilatçılığı ilə Vətən Müharibəsi iştirakçıları və fəal THİK üzvlərinin mükafatlandırılması mərasimi keçirilib.
Tədbirdə UNEC THİK sədri Rüfət Süleymanlı, Vətən Müharibəsi iştirakçısı olmuş UNEC məzunları və idarə heyətinin üzvləri iştirak edib.
Təltifetmə mərasimində UNEC THİK-in sədr müavini İlkan Əliyev, cari ilin məzunlarından olan fakültə THİK sədrləri Kərim Kərimov, Mətləb Məmmədov, Vətən müharibəsi iştirakçısı olan UNEC məzunlarından İmran Məmmədov, Kamran İbrahimli və Mirhəsən Dadaşov Azərbaycan Təhsil İşçiləri Azad Həmkarlar İttifaqının (ATİAHİ) yaradılmasının 100 illiyi ilə əlaqədar həmkarlar ittifaqı hərəkatında xidmətlərinə görə “Yubiley döş nişanı” ilə təltif olunublar.
“Yubiley döş nişanı” UNEC THİK sədri Rüfət Süleymanlı tərəfindən təqdim edilib. Rüfət Süleymanlı təltif olunanlara həmkarlar ittifaqı hərəkatına göstərdikləri dəstəyə və xidmətlərə görə təşəkkür edib.
Sonda universitetin və komitənin ictimai həyatında fəal iştirak edən tələbə və məzunlar, həmçinin Azərbaycanın qəhrəmanlıq səlnaməsini yazan Vətən müharibəsi iştirakçıları UNEC THİK-in Fəxri Fərmanı ilə təltif ediliblər.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
