Yanvarın 29-da UNEC-də qış imtahan sessiyasının növbəti “Açıq qapı” günü keçirilib.
“Açıq qapı”ya edilən müraciətlər əsasən, təhsil formasının əyanidən qiyabiyə dəyişdirilməsi, işə qəbul, təhsil haqqı borcuna görə möhlət hüququnun verilməsi, imtahan nəticəsinə bal əlavə edilərək artırılması, eləcə də ingilis dili müəllimləri üçün sertifikasiya layihəsinin müzakirəsi barədə olub.
UNEC rektoru professor Ədalət Muradov müraciətlərin araşdırılması və qaydalara uyğun həll edilməsi üçün müvafiq struktur rəhbərlərinə tapşırıq verib. Həmçinin UNEC-in SABAH müəlliminin tədrisin keyfiyyətinin artırılması, tələbələrin karyera yönümlü bacarıqlarının təkmilləşdirilməsi, ingilis dili müəllimlərinin sertifikasiyası və digər layihələrlə bağlı təkliflərini dinləyib.
Xatırladaq ki, UNEC-də imtahan sessiyası yanvarın 5-dən fevralın 2-dək davam edir. İmtahan sessiyası dövründə hər həftənin şənbə günü rektorun və UNEC İctimai Nəzarət Şurasının üzvlərini iştirakı ilə “Açıq qapı” günləri təşkil olunur.
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
