İyunun 19-da UNEC-in yaradılmasının 92 ili tamam olur.
Bu münasibətilə Azərbaycan Dövlət İqtisad Universitetində “UNEC Günü” qeyd olunub.
Tədbirdə inzibati və təşkilati məsələlər üzrə prorektor dosent Şaiq Əsgərov UNEC Günü münasibətilə universitet rəhbərliyi adından müəllim, tələbə və əməkdaşları təbrik edərək, onlara fəaliyyətlərində uğurlar arzulayıb. Sonra UNEC-in həyatında fəal iştirak edən müəllim, əməkdaş və tələbələr təşəkkürnamələrlə təltif ediliblər.
UNEC Günü Yaradıcılıq mərkəzinin Bədii qiraət, Rəqs və Vokal qruplarının üzvlərinin ifasında bədii hissə ilə davam edib. UNEC kollektivi 92 yaşını böyük sevinc və coşqu ilə qeyd edib.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
