Akademik məzuniyyətdən qayıdan və xaric olmuş təhsilalanların UNEC-ə bərpası üçün ərizələr fevral ayının 3-dək qəbul edilir. 

Tələb olunan sənədlər: 

  • Rektorun adına ərizə (fakültə, ixtisas, təhsil ili və əlaqə nömrəsi göstərilməklə);
  • şəxsiyyət vəsiqəsinin surəti (soyad, ad dəyişikliyi olduğu halda dəyişilmə haqqında və ya nikah haqqında şəhadətnamə əlavə olunmalıdır);
  • hərbi biletin surəti;
  • təhsil haqqı borcu olduğu halda ödəmə qəbzinin surəti. 

Sənədlər Ümumi şöbəyə (əsas tədris binası, otaq 101) təqdim olunmalıdır.

Elektron formada isə sənədləri Bu email ünvanı spambotlardan qorunur. Onu görmək üçün JavaScripti qoşmaq lazımdır. e-ünvanına göndərmək olar.

Qeyd: Elektron formada rektorun adına yazılan ərizədə müraciət edən şəxsin imzası qeyd olunmalıdır, sonra sənədin PDF-i yüklənməlidir.

Əlaqə: (012) 4925903 (daxili: 1010)

Xatırladaq ki, “Ali təhsil müəssisələrinin bakalavriat və magistratura səviyyələrində, tibb təhsilinin əsas tibb təhsili üzrə təhsilalanların köçürülməsi, xaric edilməsi, bərpa olunması və akademik məzuniyyət götürülməsinə dair Qaydalar”a əsasən, xaric olan təhsilalanların bərpası 15 il müddətində qış və yay tətili dövründə həyata keçirilir.

TOP XƏBƏRLƏR