“Xocalı həftəsi” çərçivəsində növbəti tədbir UNEC YAP gənclərinin təşəbbüsü və təşkilatçılığı ilə keçirildi. Əvvəlcə Xocalı şəhidlərinin əziz xatirəsi bir dəqiqəlik sükutla yad edildi.
Tədbiri giriş sözü ilə açan YAP Səbayel rayon UNEC ilk ərazi təşkilatının sədri, prorektor Mikayıl Zeynalov bildirdi ki, Xocalı faciəsi tarix boyu erməni qəsbkarları tərəfindən xalqımızın başına gətirilən ən dəhşətli soyqırımlardan biridir. Bizim gənclərimiz, UNEC tələbələri bu qətliamı unutmamalı və Xocalı həqiqətlərini dünya ictimaiyyətinə çatdırmaqda bütün səylərini əsirgəməməlidirlər.
Tədbirin sonunda UNEC tələbələrinin hazırladıqları ədəbi-bədii-müsiqili kompozisiya tədbir iştirakçılarına təqdim olundu.
Biznes və Menecment fakültəsinin III kurs tələbəsi Həsən Bədəlbəylininin ifasında “Şəhidlər” musiqisi, "SABAH" MərkəzininIV kurs tələbəsi Günay Qarayevanın ifasında “Bağışlama bizi Vətən” laylası, Maliyyə və Mühasibat fakültəsinin I kurs tələbəsi Təranə Quliyevanın “Ay Xocalım” şeiri iştirakçıların daha çox marağına səbəb oldu.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
