UNEC-də ActİnSpace beynəlxalq innovasiya müsabiqəsinin təqdimatı olub.
Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan Fransız Universitetinin (UFAZ) nümayəndəsi Elşanə Babaşova tələbələrə bildirilib ki, müsabiqə Fransa Kosmik Agentliyinin təşəbbüsü ilə təşkil olunur. Müsabiqənin əsas məqsədi gənclərə sahibkarlıq vərdişlərini aşılamaq, onlara kosmik sənayenin geniş sosial və iqtisadı potensiala sahib olduğunu açıqlamaq və startapların yaradılmasının perspektivlərini təşviq etməkdən ibarətdir.
Qeyd edək ki, ActİnSpace beynəlxalq innovasiya müsabiqəsinin Azərbaycan turunda qalib olan komandanın iyunun 19-da Fransanın Tuluza şəhərində keçiriləcək beynəlxalq final mərhələsində iştirakını UFAZ təmin edəcək.
