UNEC-in “İqtisadiyyat” (rus dilində) kafedrasının dosenti Natiq Qurbanov Moskva vilayətinin Korolyov şəhərində yerləşən Texnologiya Universitetinin “Dəvətli professor” proqramının iştirakçısı olub.
N.Qurbanov Texnologiya Universitetində Maliyyə və iqtisadiyyat fakültəsinin müəllim-tələbə heyətinə “Bilgilərin idarə olunması” mövzusunda mühazirə deyib. O, bilik və bacarıqların idarəedilməsi üzrə beynəlxalq səviyyəli mütəxəssis hazırlığının vacibliyini də vurğulayıb.
Səfər çərçivəsində UNEC-in dosenti Texnologiya Universitetinin beynəlxalq əməkdaşlıq və inteqrasiya üzrə prorektoru ilə birgə elm-təhsil platformasının yaradılması perspektivlərini müzakirə edib.
Qeyd edək ki, Natiq Qurbanov Texnologiya Universitetinin beynəlxalq elmi və praktiki konfranslarında mütəmadi olaraq iştirak edir.
!["Bu tarixi zəfər müasir Azərbaycan tarixinin ən parlaq səhifələrindən biridir"](/images/Avaz_Alekberov_modernaz_041124.gif ""Bu tarixi zəfər müasir Azərbaycan tarixinin ən parlaq səhifələrindən biridir"")
