2025/2026-cı tədris ili üçün UNEC-in Maliyyə, Mühasibat, İqtisadiyyat və Biznesin idarəolunması ixtisasları üzrə 2-ci kurs tələbələri üçün Montpellier Universitetinin ikili diplom proqramına qeydiyyat başlayır.
Proqrama qəbul olan UNEC-in tələbələri 3-cü kurs təhsillərini Montpellier Universitetində davam etdirəcəklər. Kursun sonunda tələb olunan kreditləri qazanan tələbələr UNEC-ə qayıdaraq, təhsillərini 4-cü kursdan davam edəcəklər. Fransada oxuduqları müddətdə tələbələrimizə Montpellier Universitetinin tələbə kartları veriləcək. Təhsillərini uğurla bitirən tələbələr UNEC-lə yanaşı, Montpellier Universitetin də diplomunu əldə edəcəklər.
Əsas qəbul şərtləri:
UNEC-in ikinci kurs tələbəsi olmaq;
Minimum orta bal (ÜÖMG) – 81;
İngilis dili – B2;
Tərəfdaş universitet – Montpellier Universiteti
Müddət – 1 tədris ili
Tədris dili – İnglis dili
Təhsil haqqı – 2250 avro
Qeydiyyat haqqı – yoxdur
Tədrisin başlanması: 2025-ci il, sentyabr
Tədrisin bitməsi: 2026-cı il, aprel
Son müraciət tarixi – 10 sentyabr 2024-cü il
Sənədlər bir fayl şəklində (pdf formatında) aşağıdakı ardıcılıqla təqdim olunmalıdır:
Akademik transkript (azərbaycan dilində);
CV (ingilis dilində);
Pasport (şəkil olan səhifəsi)
Məlumat əldə etmək və sənədləri təqdim etmək üçün əlaqə:
UNEC, Beynəlxalq Əməkdaşlıq Departamenti, Əsas tədris binası, 115-ci otaq.
E-mail: Bu email ünvanı spambotlardan qorunur. Onu görmək üçün JavaScripti qoşmaq lazımdır.
![“Yaşıl İqtisadiyyatın Gənc Tədqiqatçıları" tədqiqat təlimi keçirilib](/images/333.jpg "“Yaşıl İqtisadiyyatın Gənc Tədqiqatçıları" tədqiqat təlimi keçirilib")
