Kainat Tədris Mərkəzinin I və V ixtisas qrupu üzrə hazırlaşan və xüsusi istedadı ilə seçilən abituriyentləri UNEC-in texniki və texnoloji ixtisaslarının tədris olunduğu 3 saylı binasında olublar.
Abituriyentlərlə görüşən Rəqəmsal İqtisadiyyat fakültəsinin dekanı dosent Elman Cəfərov və Mühəndislik fakültəsinin dekanı dosent Elçin Səmədov onlara fakültə və ixtisaslar barədə ətraflı məlumat veriblər. Həmçinin UNEC-in xarici universitetlərlə ikili diplom, UDİD, minor, beynəlxalq mübadilə proqramları, xüsusi təqaüd imkanları və digər üstünlüklərindən danışıblar. Görüşdə abituriyentləri maraqlandıran suallar da cavablandırılıb.
Sonra abituriyentlər üçün infotur təşkil olunub. Onlar müasir texniki avadanlıqlarla təchiz olunmuş auditoriyalar, laboratoriyalar, kitabxana, idman zalı, tələbə yeməkxanası, eləcə də universitetin digər inzibati və tədris məkanları ilə tanış olublar. Xüsusi istedadı ilə fərqlənən abituriyentlərə "Dizayn" ixtisası üzrə təhsil alan tələbələrin tədris prosesini izləmək imkanı da yaradılıb.
QEYD: “UNEC-də bir gün” layihəsində iştirak etmək istəyənlər 492-60-43 telefon nömrəsinə zəng edə, yaxud UNEC-in rəsmi Facebook səhifəsi ilə əlaqə saxlaya bilərlər.
!["Yaşıl UNEC" ili çərçivəsində keçirilən tədbirləin rüblük bülletenləri](/images/yasil_dunya.jpg ""Yaşıl UNEC" ili çərçivəsində keçirilən tədbirləin rüblük bülletenləri")
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
