UNEC Kitabxana-İnformasiya Mərkəzinin (KİM) fonduna 2024-cü ildə ümumilikdə 1581 nüsxə müxtəlif nəşrlər daxil olub.
Bunlardan 235 adda 1461 nüsxəsi kitab, 6 nüsxə dissertasiya, 53 nüsxə avtoreferat, 61 adda jurnal təşkil edir. Kitablardan 1302 nüsxə Azərbaycan dilində, 159 nüsxə xarici dillərdə, jurnallardan isə 32-si Azərbaycan dilində, 29-u xarici dildədir. Kitablar Azərbaycan Respublikası Milli Məclisi, ADA Universiteti, Mərakeş Krallığı Səfirliyi, AR Auditorlar Palatası, AR İqtisadi İslahatların Təhlili və Kommunikasiya Mərkəzi, BP şirkəti, İqtisadi İslahatlar Təhlili və Kommunikasiya Mərkəzi, Azərbaycan Respublikasının Təhsil İnstitutu, Birləşmiş Ərəb Əmirliklərinin Səfirliyi, Bakı Beynəlxalq Multikulturalizm Mərkəzi və başqa idarə, təşkilatlardan, eləcədə ayrı-ayrı müəlliflər tərəfindən kitabxana fonduna hədiyyə edilib.
Mərkəzin fonduna daxil olan yeni kitabları UNEC-in bütün tədris binalarında yerləşən kitabxanalarından əldə edə bilərsiniz.
