Azərbaycan Dövlət İqtisad Universitetində (UNEC) təhsil alan əcnəbi tələbələrlə görüş keçirilib.
Görüşdə UNEC-in Beynəlxalq əlaqələr və proqramlar üzrə prorektoru Neman Muradlı və Beynəlxalq əməkdaşlıq departamentinin Xarici əlaqələr şöbəsinin müdiri Afət Ələkbərova universitetin əcnəbi tələbələrə təqdim etdiyi imkanlar, eləcə də UNEC-də yeni fəaliyyətə başlayan “Erasmus Tələbə Şəbəkəsi-ESN” barədə məlumat veriblər.
Sonra tələbələrin sualları dinlənilib və onları narahat edən məsələlər yerindəcə həll edilib.
Qeyd edək ki, 2023/2024-cü tədris ilində UNEC-ə Çin Xalq Respublikası, Rusiya, İsrail, Türkiyə, Gürcüstan, Ukrayna, Türkmənistan, Nigeriya, Əfqanıstan, İran, Özbəkistan, Pakistan, Qırğızıstan və Qazaxıstandan 152 əcnəbi tələbə qəbul olub. Ümumilikdə isə UNEC-də 391 əcnəbi tələbə təhsil alır. Təhsil qrantı və dövlət proqramları çərçivəsində UNEC-də təhsil alan əcnəbilərin sayı isə 14 nəfərdir.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
