UNEC Dizayn Məktəbinin təşkilatçılığı ilə COP29 çərçivəsində “Beynəlxalq arenaya salınan körpü - COP29” adlı maarifləndirici tədbir keçirilib.
Tədbiri UNEC Dizayn məktəbinin katibi baş müəllim Aytən Ağayeva açaraq, qeyd edib ki, ekoloji siyasət Azərbaycan Respublikasının prioritet məsələlərindəndir. Azərbaycanda ətraf mühit problemlərinin həlli istiqamətində genişmiqyaslı işlərin görülməsi, ekoloji vəziyyətin yaxşılaşdırılmasına yönəlmiş dövlət siyasəti ölkənin uzunmüddətli inkişaf strategiyasının mühüm tərkib hissəsidir.
UNEC Dizayn məktəbinin baş müəllimi Gülçöhrə Salehzadə Ulu öndər Heydər Əliyevin sosial iqtisadi siyasətini uğurla davam etdirən Prezident İlham Əliyevin ölkəmizin ekoloji durumunun yaxşılaşdırılmasına ciddi önəm verildiyini və bu il COP29-a Azərbaycanın ev sahibliyi etməsini bu sahənin ölkəmizdə öncül məsələlər sırasında olduğunu bir daha vurğulayıb.
Tədbirin sonunda UNEC Dizayn məktəbinin tələbəsi Aysel Ələkbərzadə təqdimatla çıxış edib.
![Qiyabi və Əlavə Təhsil Mərkəzində "Yaşıl UNEC" ilinə həsr edilmiş Bilik yarışı keçirilib](/images/yasil_UNEC3.jpeg "Qiyabi və Əlavə Təhsil Mərkəzində "Yaşıl UNEC" ilinə həsr edilmiş Bilik yarışı keçirilib")
