UNEC Qiyabi və əlavə təhsil mərkəzində Tələbə Həmkarlar İttifaqı Komitəsinin (THİK) dəstəyi ilə UNEC-in 95 illik yubileyinə həsr olunan Bilik yarışı keçirilib.
Yarışdan öncə mərkəzin direktoru Səbuhi Tanrıverdiyev iştirakçıları yubiley münasibəti ilə təbrik edərək, yubiley ili ilə bağlı UNEC rektoru tərəfindən tədbirlər planının təsdiq edildiyini, bu tədbirlər planında tələbələr arasında yubileyə həsr edilmiş müxtəlif yarışların keçirilməsinin nəzərdə tutulduğunu bildirib. O, UNEC-in keçdiyi zəngin tarixi yol, universitetin inkişafında mühüm rol oynamış görkəmli şəxsiyyətlər, mövcud struktur, fəaliyyət istiqamətləri barədə tələbələrə ətraflı məlumat verib.
Yarışın şərtləri tələbələrə açıqlandıqdan sonra, Azərbaycanın qədim şəhərlərinin adları ilə təmsil olunan komandalar qələbə uğrunda bilik mübarizəsi aparıblar.
Həyəcanlı və maraqlı keçən yarışın sonunda qaliblərə simvolik hədiyyələr və diplomlar təqdim edilib.
!["İranın bu layihə ilə razılaşmaqdan başqa yolu yoxdur” - Professor Zahid Məmmədov "TRT WORLD"-ə danışdı](/images/Zahid_Mammadov_azpolitika_250125.gif ""İranın bu layihə ilə razılaşmaqdan başqa yolu yoxdur” - Professor Zahid Məmmədov "TRT WORLD"-ə danışdı")
