Enactus UNEC komandası növbəti sosial layihəni həyata keçirib.
Tələbələr arasında sahibkarlıq fəaliyyətini inkişaf etdirmək və gələcəyin sahibkarlarını yetişdirmək məqsədi daşıyan “Enactus” beynəlxalq proqramının Azərbaycan üzrə yarışına qoşulan Enactus UNEC komandası “Dream Ladies” layihəsi çərçivəsində evdar xanımların əl işlərindən ibarət məhsulların sərgisini təşkil edib.
Sərgidə müxtəlif bəzək əşyaları, dekorativ məhsullar və kitablar satışa çıxarılıb.
Enactus UNEC komandasının təşkilatçılığı, UNEC Karyera Mərkəzi və Yunus Sosial Biznes Mərkəzinin birgə dəstəyi ilə keçirilən sərgi iki gün davam edəcək.
