22-25 iyun 2026-cı il tarixlərində, UNEC-in IV korpusunda doktorant və dissertantlar üçün “İxtisas” və “İqtisadın ümumelmi əsasları” fənləri üzrə fəlsəfə doktoru imtahanları təşkil ediləcək.
İmtahanın keçiriləcəyi saat və gün barədə əlavə məlumat veriləcək.
İmtahan yazılı və şifahi keçirilir. İmtahanın müddəti 2 saat 30 dəqiqədir. Doktorant sualları 2 saat ərzində cavab vərəqində yazılı, 30 dəqiqə ərzində imtahan komissiyasının üzvləri qarşısında şifahi qaydada cavablandırır. Hər bir imtahan bileti ixtisas üzrə 4 sualdan ibarətdir. İddiaçının biletində olan suallar və onlara verilən cavablar cavab vərəqində qeyd edilir. Doktorantın dissertasiya mövzusuna dair 5-ci sual imtahan komissiyası üzvləri tərəfindən ona şifahi cavablandırma zamanı verilir və cavab vərəqində qeyd edilmir. İmtahan komissiyasının üzvləri doktoranta biletə düşən suallar çərçivəsində və dissertasiya mövzusuna dair əlavə dəqiqləşdirici suallar verə bilərlər.
Hər bir sualın cavabı 10 ballıq şkala üzrə qiymətləndirilir. İmtahan üzrə keçid balı 25 baldır.
İmtahanlarda iştirak üçün ərizəni (pdf formada və imzalanmış), şəxsiyyət vəsiqəsinin surətini və dissertasiya mövzusunun Azərbaycan Respublikası Elmi Tədqiqatların Əlaqələndirilməsi Şurası tərəfindən təsdiqlənməsi barədə məktubun surətini 10 iyun 2026-cı il tarixədək Bu email ünvanı spambotlardan qorunur. Onu görmək üçün JavaScripti qoşmaq lazımdır. email ünvanına göndərilməsi xahiş olunur.
UNEC-in doktorantı olmayan şəxslər imtahana buraxılmaları üçün qeyd edilən sənədlərlə yanaşı dissertasiya işinin yerinə yetirildiyi müəssisənin UNEC-in rektoruna müraciət məktubunu da 8 iyun 2026-cı il tarixədək təqdim etməlidirlər.
İmtahana gələrkən şəxsiyyəti təsdiq edən sənədi üzərinizdə götürməyi unutmayın!
