Mayın 23-də Qazaxıstanın paytaxtı Astana şəhərində Beynəlxalq Türk Akademiyası, Qazaxıstan Respublikası Prezident Kitabxanası və Türkiyə Respublikası Baş Nazirliyi Atatürk Kültür, Dil və Tarix Ali Qurumunun təşkilatçılığı ilə “Böyük Çöl” I Beynəlxalq Humanitar Elmlər Forumu keçirilib.
Forumun “Avrasiyada elmi əməkdaşlıq və inteqrasiya: Çağdaş yanaşmaları axtarmaq” adlı birinci panelində Azərbaycan Dövlət iqtisad Universitetinin (UNEC) rektoru, Türk Dünyası İqtisadçılar Birliyinin (TÜRKİB) sədri, professor Ədalət Muradov “Avrasiyada elmi əməkdaşlığın yeni müstəvisi: Türk Dünyası İqtisadçılar Birliyi” mövzusunda elmi məruzə ilə çıxış edib. Rektor öz məruzəsində Avrasiyada elmi əməkdaşlıq və inteqrasiyanın dərinləşdirilməsinin zəruriliyi və əhəmiyyətini vurğulayıb, bu istiqamətdə TDİB-nin görəcəyi işlərdən danışıb.Forumda dünyanın 20-ə yaxın ölkəsinin dövlət adamları, beynəlxalq təşkilat rəhbərləri, diplomatlar və elm adamları iştirak edib.
![Bank Respublika "Smart Banking" 2 təcrübə proqramı elan edir](/images/BR_tp_261124.gif "Bank Respublika "Smart Banking" 2 təcrübə proqramı elan edir")
