Fevral ayının 11-də UNEC-in Quba Tədris, İdman və İstirahət Kompleksində Qış məktəbinin açılışı oldu. Tədbir iştirakçılarına UNEC-dəki yeniliklər haqda məlumat verən departament direktoru Rasim Şərifov tədrisin keyfiyyətinin yüksəldilməsi, professor-müəllim heyətinin elmi potensialının artırılması, onların tədris bacarıqlarının artırılması, bu sahədə xarici təcrübənin öyrənilməsi universitetin prioritetləri sırasında olduğunu bildirdi. Bu məqsədlə Quba Tədris, İdman və İstirahət Kompleksində bundan əvvəl 132 müəllimin iştirakı ilə keçirilən təlimlərin, prosesdə xarici professorların iştirakının əhəmiyyəti, müəllimlərin nüfuzlu universitetlərə ezam olunmasının mahiyyətindən danışdı.
Təlim iştirakçılarına və xarici qonaqlara bildirildi ki, UNEC-in 18 müəllimi, dekanı və kafedra müdirləri fevral ayının 6-dan 10-a kimi Türkiyənin Uludağ, Sakarya, Süleyman Dəmirəl universitetlərində təcrübə keçiblər. Səfər zamanı universitetin profesorları ilə türkiyəli həmkarları arasında universitetlər arasında gələcək əməkdaşlıq imkanları müzakirə edilib, nüfuzlu universitetlərin ali təhsil sistemi ilə tanışlıq həyata keçiriib. Türkiyəli həmkarları ilə elmi təqdiqatların aparılması, birgə elmi məqalələrin yazılması, müvafiq dərsliklərin hazırlanması da görüşlərin müzakirə mövzusu olub. Çıxışda bildirilib ki, gələcəkdə belə təlimlərin davam etdirilməsi, nəinki Türkiyə, UNEC əməkdaşlarının dünyanın digər ali məktəblərinə, o cümlədən Paris-Sorbon Abu-Dabi Universitetinə səfərləri nəzərdə tutulub.
Qış məktəbinin təşkili UNEC-in professor-müəllim heyətinin müasir tədris bacarıqlarının təkmilləşdirilməsinə yönəlib deyən mərkəz direktoru Raqif Qasımov 120 müəllimin qatıldığı təlimlər haqda məlumat verdi. Qeyd etdi ki, məktəbdə müasir kurikulum yaradılması, seminar və mühazirə dərslərinin strukturunun idarəedilməsi vasitələrinin tətbiqi həyata keçiriləcək və müasir İKT formaları olan “ePortfolios” və “Snagit”in istifadəsi, müəllimlərin liderlik və menecment bacarıqlarının artırılması, biliyin qiymətləndiirlməsi metodlarının təkmilləşdirilməsi, auditoriyanın interaktiv metodlarla idarəedilməsi mövzularında təlimlər keçiriləcək.
UNEC-də reallaşdırılan layihələri, eyni zamanda Qış məktəbini dəstəkləyən Paris-Sorbon Abu-Dabi Universiteti rektorunun müşaviri İmran Muxtarov, professorlar-Rida Ballaik Hourani və Litz David Riçard müəllimlərin müasir tədris bacarıqlarının təkmilləşdirilməsi, onların liderlik və menecment bacarıqlarının, auditoriyanın interaktiv metodlarla idarəedilməsi baxımından keçirilən təlimlərin faydalı olacağını bildirdilər.
Açılışdan sonra ilk təlimlərə start verildi. Təlimlər feralın 15-ə kimi davam edəcək. Sonda iştirakçılara sertifikatlar veriləcək. Sertifikatların Fransa səfirliyində təqdim edilməsi nəzərdə tutulub.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
