Azərbaycan Dövlət İqtisad Universitetinin (UNEC) və “İnvest-AZ İnvestisiya Şirkəti” QSC-nin birgə təşkilatçılığı ilə “Maliyyə bazarlarında praktik fəaliyyət” mövzusunda seminar keçirilib.
Tədbir "İqtisadiyyat və biznesin idarə edilməsi" kafedrasının müəllimi, i.f.d. Təhmasib Hüseynovun təşəbbüsü ilə baş tutub. Seminarın məqsədi isə UNEC Biznes Məktəbinin magistrlarına maliyyə bazarları, o cümlədən birjanın tarixi, yaranma zərurəti, növləri, iştirakçıları və birjada ticarətin xüsusiyyətləri haqda məlumat verməkdir. Təlimdə “İnvest-AZ İnvestisiya Şirkəti”nin tədris üzrə meneceri, i.f.d. Rövşən Məmmədov və analitiki Tusi Heydərov “Maliyyə bazarlarında praktik fəaliyyət” mövzusunda təqdimatla çıxış ediblər. Seminarda maliyyə aktivlərinin alışı və satışından mənfəət əldə etmək imkanı, marjinal ticarət, “Meta Trader 4” ticarət proqram təminatı, analitik təhlil üsulları barədə də danışılıb.
Sonda mövzular ətrafında müzakirələr aparılıb, magistrların sualları cavablandırılıb. Seminarın aktiv iştirakçısı Cabbar Hüseynliyə isə “İnvest-AZ İnvestisiya Şirkəti” QSC-nin nəşri olan “Maliyyə bazarlarının əlifbası” kitabı hədiyyə edilib.
![UNEC kitabxanasında yeni kitab: "Ali Makroiqtisadiyyat"](/images/IMG_6040.jpeg "UNEC kitabxanasında yeni kitab: "Ali Makroiqtisadiyyat"")
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
!["Sosial mediada şəxsi brendinqin formalaşdırılması" adlı təlim keçirilib](/images/esas_TEC.jpg ""Sosial mediada şəxsi brendinqin formalaşdırılması" adlı təlim keçirilib")
