Radio UNEC-də professorların yeni platforması olan “Elm və ictimaiyyət” verilişinin növbəti sayı efirə gedib.
Elm şöbəsinin müdiri, professor Zahid Məmmədovun təqdimatında efirə gedən veriliş UNEC-in professoru, əməkdar müəllim, mərhum Məhəmmədhəsən Meybullayevin 70 illik yubileyinə həsr olunub.
Verilişdə bildirilib ki, iqtisadçı alim 200-dən çox elmi əsərin, o cümlədən 6 monoqrafiyanın, 9 dərs vəsaitinin, 4 dərsliyin, tədris-metodiki vəsaitlərin müəllifidir. Həmçinin neçə-neçə elmlər namizədi və doktoru yetişdirib. Görkəmli iqtisadçı, fədakar müəllim, gözəl insan Məhəmmədhəsən Meybullayev nəinki elmi-pedaqoji fəaliyyəti, həmçinin ictimai həyatda öz obyektivliyi, prinsipiallığı və tələbkarlığı ilə böyük nüfüz qazanmışdı.
Verilişin səs yazısını təqdim edirik:
