UNEC-in Bloomberg Maliyyə Laboratoriyası tərəfindən professor-müəllim heyətinin peşəkarlığının artırılması artırılması məqsədilə başladığı layihə uğurla yekunlaşıb.
Yekun tədbirində çıxış edən laboratoriyanın rəhbəri Səidə Xəlil Bloomberg terminallarında mövcud olan sertifikatlar barədə məlumat verərək, həmin sertifikatların sillabuslara əlavə edilməsini təklif edib.
Rəqəmsallaşdırma üzrə prorektor dos. Raqif Qasımov Bloomberg Maliyyə Laboratoriyasının fəaliyyətinin, eləcə də maliyyə bazarlarında məlumatların əlçatanlığının əhəmiyyətindən danışıb.
Tədbirdə iştirak edən “Unicapital” investisiya şirkətinin Portfel idarəçiliyi şöbəsi rəhbəri Seymur İbadov Bloombergdən istifadə vərdişlərinin formalaşması üçün Bloomberg terminallarından mütəmadi olaraq istifadənin vacibliyini bildirib. O, müəllimlərin öyrənmək istədikləri sahələr üzrə sorğu keçirərək, Bloomberg L.P.-yə müraciət edə biləcəklərini diqqətə çatdırıb.
Paşa Bankın Maliyyə İnstitutlarının rəhbəri Mirsəyyad Mahmudov isə məzun olduğu universitetdə yaradılmış imkanlardan qürur duyduğunu ifadə edərək, təlimlərin davamlılığı üçün dəstək olacaqlarını qeyd edib.
Sonda təlimləri uğurla bitirən müəllimlərə sertifikatlar təqdim olunub.
!["Əmək bazarında müasir çağırışlar" mövzusunda dəyirmi masa keçirilib](/images/esas2604.jpg ""Əmək bazarında müasir çağırışlar" mövzusunda dəyirmi masa keçirilib")
!["Yaşıl UNEC" ili çərçivəsində keçirilən tədbirləin rüblük bülletenləri](/images/yasil_dunya.jpg ""Yaşıl UNEC" ili çərçivəsində keçirilən tədbirləin rüblük bülletenləri")
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
