Azərbaycan Dövlət İqtisad Universitetinin (UNEC) “Gənc Alimlər Şurası”nın üzvləri Bakı Avrasiya Universitetində keçirilən III Beynəlxalq Türk Dünyası Araşdırmaları Simpoziumunda çıxış ediblər.
Simpoziumun humanitar bölməsində “Gənc Alimlər Şurası”nın sədri Vuqar Məmmədzadə “Dağlıq Qarabağ münaqişəsində status-kvo müharibə riskini artırır”, Beynəlxalq münasibətlər kafedrasının müəllimi Pərviz Səmədov isə “Erməni soyqırımı yox, ermənilərin törətdikləri soyqırım” mövzularında məruzə ediblər.Üç gün davam edən simpozium Türkiyənin Niğde Universiteti, Qazaxıstan Dövlət Qızlar Pedaqoji Universiteti, Qırğızıstanın Şərq/Mahmud Kaşğari-Barskani Universiteti, Rusiyanın M.Akmulla Başqırd Dövlət Pedaqoji Universiteti, Bakı Avrasiya Universiteti və Yunus Əmrə İnstitutunun birgə təşkilatçılığı ilə həyata keçirilib.Sonda konfransın materiallar toplusu iştirakçılara təqdim olunub.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
