UNEC-in alimlərinin elmi məqaləsi dünyanın nüfuzlu elmi bazası olan “Web of science”a daxil edilib.
UNEC-in “İqtisadiyyat” (rus dilində) kafedrasının dosenti Rövşən Əkbərov ilə “Beynəlxalq iqtisadiyyat” kafedrasının dosenti Emin Qəribli birgə hazırladıqları “İntuitiv linqvistik fazzi rəqəmlər vasitəsilə sosial-iqtisadi inkişafın analizi” elmi məqaləsini dünya şöhrətli alim Lütfi Zadəyə həsr olunan beynəlxalq konfransa təqdim etmişdilər. Avropa ölkələrində ənənəvi olaraq hər il keçirilən konfransın təşkilatçıları ABŞ-ın Berkli Universiteti (Berkley İniative in Soft Computing, USA), Viana Tibb Universiteti, Şimali Kiprin Yaxın Şərq Universiteti, Azərbaycan Dövlət Neft və Sənaye Universiteti, Türkiyənin Ekonomiks və Texnologiya Universiteti, Kanadanın Albert Universiteti, Texas Universiteti (San Antonio, ABŞ) və Kanadanın Toronto Universitetidir.
2017-ci ilin avqust ayında təşkil edilən konfransın materialları “Clarivate Analitics” şirkətinin “Web of Science” bazasında yerləşdirilib. Eyni zamanda, konfransın seçilmiş əsərləri məqalə formasında “Scopus” bazasına daxil olan jurnalda dərc olunub.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
