UNEC-in aliminin tədqiqat işi dünyanın ən böyük istinad bazası olan “Scopus” və “Web of Science” məlumat bazasına daxil edilib.
UNEC-in Beynəlxalq İqtisadiyyat Məktəbinin direktor müavini, “Beynəlxalq iqtisadiyyat” (ingilis dilli) kafedrasının dosenti İnara Rzayevanın həmmüəllifi olduğu elmi məqalə “Scopus” məlumat bazasına daxil olan “Procedia Computer Science” (İSSN 1877-0509 online, 120 (2017), təsir faktoru (CiteSCore):1.01) jurnalında dərc olunub.
UNEC aliminin tədqiqat işi “BMT-nin FAO-nun ərzaq təhlükəsizliyi proqramı çərçivəsində nəticələrin monitorinqi və hesabat vermə üçün qeyri-səlis koqnitiv model inkişafı” (“Fuzzy cognitive model development for monitoring of results and reporting within the UN FAO food security program” mövzusunda olub. Elmi əsərin digər müəllifləri isə AMEA-nın İdarəetmə Sistemləri İnstitutunun əməkdaşları Elxan Əliyev ilə Nicat Əsgərovdur.
Elmi tədqiqat işi eyni zamanda “Clarivate Analitics” şirkətinin “Web of Science” bazasına da daxil edilib.
!["Bu tarixi zəfər müasir Azərbaycan tarixinin ən parlaq səhifələrindən biridir"](/images/Avaz_Alekberov_modernaz_041124.gif ""Bu tarixi zəfər müasir Azərbaycan tarixinin ən parlaq səhifələrindən biridir"")
