“Springer Nature” elmi bazasının koordinatoru Selin Şencanlı UNEC-də olub.
UNEC-in Elm və innovasiyalar üzrə prorektoru, professor Sakit Yaqubov, Elektron İdarəetmə Mərkəzinin direktoru, dosent Zöhrə Həsənova, Rəqəmsal media şöbəsinin müdiri Zaur Əziz və Əsaslı kitabxananın müdiri Nəzifə Bəxtiyarovanın iştirakı ilə keçirilən görüşdə S.Şencanlıya universitetdə həyata keçirilən yeniliklər barədə məlumat verilib.
Son dövrlər UNEC-in alimlərinin elmi məqalələrin beynəlxalq elmi jurnallarda sayının artıdığını böyük qürurla izlədiyini bildirən qonaq bu universitetlə əməkdaşlıq etməkdə maraqlı olduqlarını bildirib. O, “Springer Nature” elm bazası barədə ətraflı məlumat verərək, bazaya daxil olan elmi jurnallar və onlardan istifadənın statistikasını açıqlayıb. S.Şencanlı UNEC nümayəndələrini e-resursların axtarış mexanizmi ilə də tanış edib.
Görüş zamanı “Springer Nature” ilə UNEC arasında əməkdaşlıq imkanları müzakirə edilib, təlimlərin keçirilməsi barədə fikir mübadiləsi aparılıb.
