UNEC-in SABAH Mərkəzinin müəllimləri narkomaniyaya qarşı mübarizə mövzusunda maarifləndirici seminar keçiblər.
Seminarda müəllimlər Xəyal Məmmədli və Könül Quliyeva narkotik vasitələrin, psixotrop maddələrin və onların prekursorlarının qanunsuz dövriyyəsinin və narkomanlığın qarşısının alınması istiqamətində tələbələrə maarifləndirici məlumat veriblər. Bəşəriyyət üçün böyük bəlalardan olan narkomaniyanın törətdiyi fəsadlara qarşı mübarizənin bu gün xüsusilə aktual xarakter daşıdığını vurğulayaraq, narkomaniya əleyhinə aparılan tədbirlərin hər zaman ölkə rəhbərliyinin diqqət mərkəzində olduğunu və bu istiqamətdə mühüm tədbirlər həyata keçirildiyini qeyd ediblər.
