26-31 mart tarixində Azərbaycan Təhsil İşçiləri Azad Həmkarlar İttifaqı Respublika Komitəsinin təşkilatçılığı ilə keçirilən "Novruz-2025" düşərgəsində UNEC-in tələbələri iştirak ediblər.
Xaçmaz rayonunun Xuray kəndində yerləşən “Təhsil” İstirahət Mərkəzində təşkil olunan düşərgədə həmkarlar ittifaqının üzvü olan 300 nəfərdən artıq ali məktəb tələbələri iştirak ediblər.
Düşərgədə tələbələr üçün istirahətlə yanaşı, onların bilik və bacarıqlarının inkişaf etdirilməsi məqsədilə intellektual bacarıqlarının təqdimatı üçün geniş imkanlar yaradılıb. İntellektual yarışda qalib olan komandadakı tələbələr sırasında UNEC Biznes Məktəbinin tələbəsi Səbuhi İmanovun kapitanı olduğu komanda II yeri qazanaraq, diplom və kubokla təltif olunub.
Ümumiyyətlə, “Novruz 2025” düşərgəsi gənclərin təfəkkürünün sosial və akademik inkişafını dəstəkləməyi, o cümlədən onların liderlik, komanda işi və yaradıcılıq bacarıqlarını artırmağı hədəfləyir. Burada tələbələrin komanda ruhunun və fiziki aktivliyinin artırılması üçün müxtəlif idman yarışları, onların analitik düşüncə və məntiqi təhlil qabiliyyətlərinin inkişaf etdirilməsinə xidmət edən intellektual oyunlar, mədəniyyət və incəsənət tədbirləri, eyni zamanda, iştirakçıların natiqlik qabiliyyələrinin peşəkar inkişafı, liderlik, şəxsi bacarıqların təkmilləşdirilməsi istiqamətində təlimlər təşkil olunub.
Düşərgənin son günü düşərgə iştirakçıları Quba Memorial Kompleksini ziyarət edərək, gül dəstələri qoyublar.
![UNEC tələbələri "Novruz-2025" düşərgəsində iştirak ediblər](/images/dusherge_030425.gif "UNEC tələbələri "Novruz-2025" düşərgəsində iştirak ediblər")
![UNEC-in müəllimi "Global Teacher Award" mükafatına layiq görülüb](/images/Sevinj--Global-Teacher-Award-24-25_140325.gif "UNEC-in müəllimi "Global Teacher Award" mükafatına layiq görülüb")
