UNEC-in qiyabi təhsilində ilk dəfə olaraq Tələbə Gənclər Təşkilatının (TGT) özəyi yaradılıb.
Bu məqsədlə UNEC-in Distant, qiyabi və əlavə təhsil mərkəzində (DQƏTM) qiyabi əsaslarla təhsil alan tələbələrin TGT nümayəndələri ilə görüş keçirilib.
DQƏTM-in direktoru Səbuhi Tanrıverdiyev qiyabi təhsildə ilk dəfə olaraq TGT-nin yaradılmasının əhəmiyyətindən danışıb. O, qiyabi təhsil alan tələbələrin ictimai fəallığını artırmaq, fakültələr arasında sıx əlaqələr yaratmaq, o cümlədən onların intellektual inkişaflarını təmin etmək və asudə vaxtlarının səmərəli təşkili baxımından TGT-nin fəaliyyətinin vacibliyini vurğulayıb.
UNEC TGT-nin sədri Rəsul Həşimov təşkilatın sıralarına qiyabi təhsil alan tələbələrin qoşulmasını əlamətdar hadisə adlandırıb. R.Həşimov onların TGT-nin fəaliyyətində aktiv təmsil olunacaqlarına əminliyini ifadə edib.
Toplantıda DQƏTM TGT-in strukturu və tədbirlər planı müəyyənləşdirilib. III kurs tələbəsi Albina Qarayeva açıq səsvermə yolu ilə Tələbə Gənclər Təşkilatı özəyinin ilk sədri seçilib.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
